Oct06
0

როგორ გავხდეთ ბიტკოინერი (თქვენი პირველი ბიტკოინის მოპოვება)

ბიტკოინი Share this post

კეთილი იყოს თქვენი მობრძანება ჩვენი კურსის მეხუთე გაკვეთილზე!
სანამ დავიწყებდეთ, პირადად მინდა მადლობა გადაგიხადოთ, რომ ვირტუალურად ესწრებით ჩემს კურსს ბოლო ოთხი დღის განმავლობაში. რადგან უკვე ჩვენი კურსის ნახევარი გავიარეთ, მინდა გითხრათ, რომ ჩემთვის დიდი პატივი და პრივილეგიაა, რომ ბიტკოინს გაცნობთ და გასწავლით მის შესახებ. ერთადერთი გადასახადი, რასაც სანაცვლოდ ვითხოვ არის ის, რომ წარმატებულად დაასრულოთ კურსი და შემდეგ რაც შეიძლება მეტ ადამიანს გაუგზავნოთ ის.
დღეს თქვენი პირველი ბიტკოინის მოპოვებაში დაგეხმარებით.
ბიტკოინის მოპოვების ყველაზე მარტივი და სწრაფი გზაა მისი მეგობრისგან ან ოჯახის წევრისგან მიღება. თუ თქვენი საურთიერთობო წრიდან სხვა ბიტკოინერს იცნობთ, მასთან დაკავშირება და დახმარების თხოვნა ორივე მხარისთვის ერთ-ერთი ყველაზე სასარგებლო გამოცდილება იქნება.
მაგრამ მე ვვარაუდობ, რომ ამჟამად თქვენ არავინ გყავთ ამ ტიპის ტრანზაქციის შესრულებისა და ვალუტის გაცვლისთვის. ამიტომ მოკლედ გაგაცნობთ თქვენი პირველი ბიტკოინის მოპოვების რამდენიმე სხვა გზას, რადგან ამჟამად ადვილი არ არის ახალი ბიტკოინის მოპოვება, ვინაიდან თქვენ (ჯერ) ვერ შეიძენთ ბიტკოინს ბანკისგან ან ფიზიკური სავალუტო სისტემისგან (როგორსაც აეროპორტში ხედავთ).
დასაწყისისთვის გთავაზობთ ოთხ გზას:
1. გარდა სანდო მეგობრის, კოლეგის ან ოჯახის წევრისა, თქვენი პირველი ბიტკოინის მოპოვების მეორე საუკეთესო გზაა დაესწროთ ადგილობრივ სემინარებს ბიტკოინის ან ბლოკჩეინის შესახებ, რისი გაკეთებაც მარტივია სოციალური ქსელის ვებ-გვერდის მეშვეობით, Meetup.com. თქვენი ოჯახის წევრების და მეგობრების მსგავსად, აქ იპოვით მეგობრულ და ენთუზიაზმით სავსე ბიტკოინერებს, რომლებიც სიამოვნებით დაგეხმარებიან.
2. ეწვიეთ LocalBitcoins.com, სადაც იპოვით ადამიანებს თქვენი რეგიონიდან, რომლებიც პირადად მოგყიდიან ბიტკოინს თქვენს ადგილობრივ ფიატურ ვალუტაზე, როგორიცაა მაგალითად აშშ დოლარი. ბევრი მოითხოვს ტრანზაქციის მინიმალურ მოცულობას, მაგრამ $5.00 ტრანზაქციაც კი მინახავს!
3. ეწვიეთ ბიტკოინის ბანკომატს თქვენს ქალაქში. ეს ბანკომატები (ჯერ) არ არის ყველგან ხელმისაწვდომი, მაგრამ ეს თქვენი ადგილობრივი ვალუტის ბიტკოინზე გადაცვლის უსაფრთხო და საიმედო გზაა. ზოგიერთ ბანკომატს შეზღუდვები აქვს ტრანზაქციის მოცულობასთან დაკავშირებით, მაგრამ უმრავლესობა ახორციელებს მცირე ტრანზაქციებს. რა თქმა უნდა, აღნიშნული ბანკომატების უმრავლესობა გადასახადის გადახდას მოითხოვს მუშაობის გაგრძელების მიზნით. CoinATMRadar.com შესანიშნავი ადგილია დასაწყისისთვის. ეწვიეთ, განახორციელეთ ტრანზაქცია და არ დაგავიწყდეთ სელფის გადაღება!
4. გამოიყენეთ ბიტკოინის სავალუტო ბირჟა თქვენი მიბმული საბანკო ანგარიშის, საკრედიტო ბარათის ან თუნდაც PayPal (მოითხოვს დამატებით მოსაკრებლებს) მეშვეობით. თქვენი ადგილობრივი ვალუტისა და ქვეყნისთვის დაშვებული ბირჟების შესახებ ინფორმაცია შეგიძლიათ იხილოთ ისეთ ვებ-გვერდებზე, როგორიცაა BitcoinAverage.com. დარეგისტრირდით, გადადით „მონაცემები ფასების შესახებ“, შემდეგ კი „სავალუტო ბაზრები“, რომ იპოვოთ ბმულები დასაშვები სავალუტო ბირჟების შესახებ.
რომელი ავირჩიოთ? სიმართლე, რომ გითხრათ გირჩევთ სიის პირველი ორი პუნქტი სინჯოთ, რადგან ბიტკოინის შეძენის გარდა, თქვენ ასევე ახალ მეგობრებს შეიძენთ და გაიგებთ, რომ მთელი ეს საზოგადოება ახალი წევრებისთვის მეგობრული და კეთილმოსურნეა.
ბანკომატები კარგი გასართობია, განსაკუთრებით თუ მეგობრებთან ერთად ეწვევით, ხოლო ბოლო პუნქტი – ვებ-სერვისის და სავალუტო ბირჟის გამოყენება, უფრო გარკვეული და გასაგებია, მაგრამ აღნიშნულის განხორციელება თქვენ სახლიდან თავად შეგიძლიათ, რაც ისევე საინტერესო არ არის, როგორც ოჯახის წევრისგან ან (ახალი) მეგობრისგან მიღება.
ამგვარად, თქვენ უკვე საშინაო დავალება გაქვთ და შესაძლებელია გარკვეული დრო დაგჭირდეთ, რომ პირველი ბიტკოინი მოიპოვოთ, მაგრამ ეს ამად ღირს.
მიუხედავად იმისა, რომ ბოლო პუნქტის განხორციელება თქვენ თავად შეგიძლიათ, არ შემიძლია თქვენი ბედის ანაბარა დატოვება! ხვალ მოკლედ განვიხილოთ ერთი სავალუტო ბირჟის მაგალითი (სურათებით) ისე, რომ თქვენ შეძლოთ რეგისტრაციის პროცესისა და ტრანზაქციის შესრულების გაგება.

About the Author

}
უფასო კონსულტაცია