Jul07
0

პრობლემებსა, სამუშაოებსა და უპირატესობებზე ფოკუსირება

შექმენი შენი სტარტაპი Share this post

ჩვენ უკვე განვიხილეთ, რომ წარმატებული სტარტაპის დაწყებისათვის თავდაპირველად აუცილებელია ღირებულების წინადადების შედგენა და ამისათვის ამ ეტაპზე არ არის საჭირო რაიმე ფინანსური ინვესტიცია. პროცესი რომ უფრო მარტივი გავხადოთ, გირჩევთ გამოიყენოთ ღირებულების წინადადების კონცეპცია, რომელსაც გვთავაზობს ალექს ოსტერვალდერი, ივ პინიე და გრეგ ბერნანდა ნაშრომში „ღირებულების წინადადების შემუშავება“ (Value Proposition Design) (2014 წ.). აღნიშნული კონცეპცია სტარტაპის დამფუძნებლებს ეხმარება მათი მომხმარებელთა ღირებულების წინადადების დაგეგმვაში, შედგენაში, შემოწმებასა და მართვაში. მისი დახასიათება ხუთ ეტაპადაა შესაძლებელია:
1. დაიწყეთ თქვენ მომხმარებელთა ყველაზე მნიშვნელოვანი პრობლემების იდენტიფიცირებით
მნიშვნელოვანია მომხმარებლის პრობლემები მაქსიმალურად ზუსტად ავღწეროთ. მაგალითად, როდესაც მომხმარებელი ამბობს: „არ მიყვარს, როდესაც მობილურ საშუალებებზე ვიდეო და ფოტო მასალების ატვირთვას ლოდინი სჭირდება“, თქვენ მათ ატვირთვის დროისთვის მოთმინება უნდა სთხოვოთ. პრობლემის უფრო ზუსტი აღწერა კი იქნებოდა, „ვიდეო და ფოტო მასალის მობილურ საშუალებებზე ატვირთვისთვის მომხმარებელს არ მოუწევს სამ წამზე მეტი ლოდინი“. როდესაც თქვენ ზუსტად

შეძლებთ განსაზღვროთ სამიზნე მომხმარებელთა პრობლემები, თქვენ უკეთესი პროდუქტებისა და მომსახურების შექმნას შეძლებთ იმისათვის, რომ აღნიშნული პრობლემები გადაჭრათ. ჩამოთვალეთ რაც შეიძლება მეტი პრობლება, მაგრამ გაითვალისწინეთ მხოლოდ ის პრობლემები, რომლებიც რეალური და მნიშვნელოვანია არა მარტო თქვენთვის, არამედ თქვენი სამიზნე მომხამრებლისათვის.
აღნიშნულ კურსს ბოლომდე დაესწარით და მიიღებთ ბმულს როგორც ზემოხსენებულ მოდელზე, ასევე სხვა დაკავშირებულ მოდელებსა და წარმატებული რეკლამის შაბლონების სიებზე იმისათვის, რომ შეასრულოთ თქვენი გეგმა და დაზოგოთ დრო.

2. განსაზღვრეთ ყველა შესაძლო სამუშაო და დავალება, რომლებსაც თქვენი მომხმარებელი ცდილობს შეასრულოს თქვენი პროდუქტის კონტექსტში
სამუშაოები აღწერენ იმ დავალებებს, რომლებსაც თქვენი მომხმარებლები ცდილობენ შეასრულონ თავიანთ საქმიანობაში, სახლში ან თუნდაც დასვენების დროს. სამუშაო შეიძლება იყოს მარტივი, სტანდარტული დავალება, რომელსაც ისინი ყოველ დღე ასრულებენ (მაგალითად, ინფორმაციის საშუალებების ჩამოტვირთვა) ან რაიმე სხვა განსახორციელებლად უფრო რთული და ძნელი.
3. განსაზღვრეთ ყველა შესაძლო უპირატესობა, რომლებსაც მომხმარებელი დააფასებს
რაც შეიძლება მეტი იფიქრეთ თუ რა უპირატესობის, შედეგის და სარგებლის მიღება გაუხარდებათ თქვენს მომხარებლებს. იყავით მაქსიმალურად კონკრეტული. მაგალითად, ნაცვლად „მომხმარებლებს სურთ ნაკლები დახარჯონ მოდიფიკაციებზე“, გამოიყენეთ „მომხმარებლებს სურთ მოდიფიკაციის ხარჯი ფულად დანახარჯებზე 20%-ით და სამუშაო ძალის ხარჯებზე 25%-ით შეამცირონ“.
4. პრიორიტეტები მიანიჭეთ ყველა პრობლემას, სამუშაოს და უპირატესობას მომხმარებლისთვის მნიშვნელობის მიხედვით
თქვენი მომდევნო ნაბიჯია პრობლემების, სამუშაოებისა და უპირატესობების დახარისხება მომხმარებლისთვის მათი მნიშვნელობის ან პრიორიტეტის მიხედვით. განსაკუთრებული ყურადღება მიაქციეთ იმ მეთოდს, რომელსაც პრიორიტეტების შეფასებისთვის იყენებთ. აღნიშნულისთვის შეგიძლიათ ორიდან ერთ-ერთი მეთოდი გამოიყენოთ: ვარაუდების საფუძველზე ან რეალური ფაქტების საფუძველზე.

განსაზღვრეთ თქვენი ძირითადი ღირებულების წინადადება ერთი მარტივი და გასაგები წინადადებით.
ახლა თავიდან გადახედეთ თქვენს მიერ ჩამოთვლილ ყველაზე მნიშვნელოვან სამუშაოს, პრობლემას და უპირატესობას და დაფიქრდით თუ როგორ შეძლებთ დაეხმაროთ თქვენს მომხარებლებს, რომ:
• მიაღწიოთ მათ მიზნებს და გადაწყვიტოთ მათი პრობლემები
• დაზოგოთ დრო, ფული და ძალისხმევა
• თავი აარიდოთ შეცდომებს, წარუმატებლობებსა და რისკებს
• შეამციროთ მათი პრობლემური საკითხები
• თავი უკეთესად იგრძნოთ და სხვის თვალში უკეთესად წარმოაჩინოთ თავი
• გაუადვილოთ მათ სამუშაო და პირადი ცხოვრება
• მათი მიმდინარე გადაწყვეტილებებისთვის შეიმუშავოთ უკეთესი ხარისხი და უფრო ეფექტური მაჩვენებლები
• შეიმშავოთ რაიმე განსაკუთრებული, ის, რასაც ისინი ეძებენ, მაგრამ ვერ პოულობენ
ღირებულების წინადადების შესადგენად სხვადასხვა რეკომენდაცია არსებობს, მაგრამ უკიდურეს შემთხვევაში ის სამ კითხვას უნდა პასუხობდეს:
1. კონკრეტულად რა ღირებულებას ქმნით (ის უნდა იყოს უნიკალური და მისი კოპირება რთული უნდა იყოს)?
2. ვის მიაწოდებთ მას?
3. როგორ გააკეთებთ ამას?
თქვენს მომხმარებელს უნდა შეეძლოს თქვენი ღირებულების წინადადების წაკითხვა და გაგება დაახლოებით ხუთ წამში. ამიტომ, ახსენით ის ერთი მარტივი წინადადებით, რომელსაც თვენი ბებიაც კი გაიგებდა. ის მომხმარებელს კონკრეტულ შედეგებს უნდა აწოდებდეს თქვენი პროდუციისა ან მომსახურების ყიდვის და გამოყენების შესახებ, და ასევე უნდა გამოგარჩევდეთ თქვენი კონკურენტებისგან. არ გამოიყენოთ ჟარგონი, სლენგი ან აკრონიმი! სასარგებლო იქნებოდა უბრალოდ დაიწყოთ წინადადების შედგენა და მანამ იმუშაოთ, სანამ არ იქნებით შედეგით კმაყოფილი.

მთავარი დასკვნა
თქვენ შეგიძლიათ ნებისმიერი სხვა მეთოდოლოგია შეარჩიოთ თქვენი ღირებულების წინადადების შესადგენად, მაგრამ თუ გსურთ, რომ ის ეფექტური იყოს, მომხმარებლისთვის მისაწოდებელი ღირებულება უნდა იყოს მომხმარებლისთვის მნიშვნელოვანი და უნიკალური.
ხვალ ვისაუბრებთ თქვენი მომდევნო მნიშვნელოვანი ნაბიჯის შესახებ: თქვენი ბიზნეს-მოდელის მონახაზის შედგენა ერთ გვერდზე.

 

About the Author

Leave a Reply

Your email address will not be published. Required fields are marked *

}
უფასო კონსულტაცია