Sep11
0

მომხმარებელთა გამოცდილების როლები, „ქუდები“ და „მარტორქები“

დიზაინ ფიქრი Share this post

კეთილი იყოს თქვენი მობრძანება ჩვენი კურსის მე-9 დღეს!
გუშინ განვიხილეთ თუ როგორ გვეხმარება გამოყენებადობის ტესტირება ჩვენი დიზაინის გაუმჯობესებაში მომხმარებელთა საჭიროებების დაკმაყოფილებისათვის. დღეს ჩვენ გავეცნობით მომხმარებელთა გამოცდილების დიზაინში მონაწილე სხვადასხვა როლს, მათ შორის „მარტორქას“!
მომხმარებელთა გამოცდილების დიზაინი წარმოადგენს მრავალპროფილურ პრაქტიკას, რომელიც მოიცავს ექვს ძირითად დისციპლინას:
1. მომხმარებელთა კვლევა
2. კონტენტის (შინაარსის) სტრატეგია
3. ინფორმაციის პროექტირება
4. ურთიერთქმედების დიზაინი
5. ვიზუალური დიზაინი
6. მომხმარებელთა გამოცდილების პროექტირება
კარგი დიზაინი აღნიშნული დისციპლინებიდან სხვადასხვა უნარის ნარევს მოიცავს; უფრო მსხვილ პროექტებში თითოეული უნარი წარმოდგენილია ერთი ან მეტი ადამიანით, მაშინ როდესაც მომხმარებელთა გამოცდილების პროექტებში ერთ პიროვნებას გააჩნია სხვადასხვა პროფესიული უნარი. იფიქრეთ ამ პროფესიულ უნარებზე როგორც სხვადასხვა „ქუდზე“, რომელიც მომხმარებელთა გამოცდილების დიზაინერს შეუძლია დაიხუროს პროექტის განმავლობაში. მოდით განვიხილოთ ეს დისციპლინები და თუ რას აკეთებს თითოეული „ქუდი“.

მომხმარებელთა კვლევა
მომხმარებელთა კვლევა წარმოადგენს მოხმარებელთა გამოცდილების დიზაინის საფუძველს, ვინაიდან ის უზრუნველყოფს მომხმარებელთა მოთხოვნების, ქცევის და მოტივაციის სიღრმისეულ გაგებას და შეფასებას.
მომხმარებელთა გამოცდილების პროექტის დასაწყისში, მომხმარებელთა მკვლევარი აწარმოებს ეთნოგრაფიულ კვლევებს, მომხმარებელთა დაკვირვებას და კონტექსტუალურ ინტერვიუებს, და შემდეგ შეფასებას გადმოსცემს პერსონების, მოგზაურობის რუკების და მომხმარებელთა მოთხოვნების მეშვეობით. მაკეტირების დროს ისინი ამოწმებენ აღნიშნულ დიზაინს მომხმარებლების მეშვეობით და მათ კომენტარებს აგროვებენ დიზაინის გაუმჯობესების მიზნით. დამუშავების შემდეგ, ისინი გამოყენებადობის ტესტირებას აწარმოებენ გამოყენებადობისა და გადაწყვეტილების ეფექტურობის შეფასების მიზნით.

კონტენტის სტრატეგია
კონტენტის სტრატეგია ფოკუსირებას ახდენს სასარგებლო და გამოყენებადი კონტენტის დაგეგმარებაზე, მიწოდებასა და მართვაზე, რაც მოიცავს ტექსტს, სურათებს, ვიდოე, აუდიო ჩანაწერებს და ანიმაციებს.
კონტენტის სტრატეგი შეიცნობს ბიზნესისა და მომხმარებლების მოთხოვნებს კონტენტთან დაკავშირებით, განსაზღვრავს ხარვეზებს არსებულ კონტენტში და ამარტივებს სამუშაო პროცესს, ახალი კონტენტის შექმნას და მართვას. ისინი ადგენენ კონტენტის წამყვან პრინციპებს, კონტენტის ტიპებსა და მეტამონაცემებს და ასევე გეგმავენ კონტენტის მიგრაციას. ზოგიერთ შემთხვევაში, მათ შეუძლიათ დაწერონ (ან ხელახლა დაწერონ) კონტენტი იმაში დასარწმუნებლად, რომ მომხმარებლები კონტენტის სწრაფად სკანირებას შეძლებენ.

ინფორმაციის პროექტირება
როგორც უკვე ავღნიშნეთ, ინფორმაციის პროექტირება – ეს არის დისციპლინა, რომელიც პასუხისმგებელია კონტენტის ორგანიზებასა და კატეგორიებად დანაწილებაზე, მომხმარებლებისთვის მის ეფექტურად ფუნქციონირებაზე.
ინფორმაციის დამპროექტებელი აპროექტებს თუ როგორ უნდა იყოს სტრუქტუირებული ვებ-გვერდი ან აპლიკაცია და აღნიშნულს წარმოსახავს ვებ-გვერდის რუკის მეშვეობით. ისინი ასევე აპროექტებენ ნავიგაციასა და მარკირებას განსხვავებული და მოხმარებისთვის მოსახერხებელი კატეგორიების მეშვეობით, რაც მომხმარებლებს საშუალებას აძლევს გადაერთონ ეკრანებს შორის.

ურთიერთქმედების დიზაინი
როგორც თქვენ შეიძლება გახსოვდეთ მე-6 გაკვეთილიდან, ურთიერთქმედების დიზაინი განსაზღვრავს თუ როგორ ურთიერთქმედებენ მომხმარებლები კონტენტთან და ფუნქციონალურობასთან, და ასევე ამ ამოცანების შესასრულებლად საჭირო მოგზაურობასთან. დღეს ურთიერთქმედების დიზაინი უფრო მეტია, ვიდრე მხოლოდ მაუსზე დაწკაპუნება და ბეჭდვა, კავშირისა და მეტყველების ურთიერთქმედების მეშვეობით.
ურთიერთქმედების დიზაინი ქმნის ინტერაქტიულ მაკეტებს, რომლებიც მომხმარებელთა გამოცდილების დიზაინს ახორციელებენ და მომხმარებლებს საშუალებას აძლევენ მათი ამოცანები საუკეთესო გზით განახორციელონ. მაკეტები იქმნება მაკეტირების ინსტრუმენტების ან უშუალოდ HTML/CSS მეშვეობით.

ვიზუალური დიზაინი
მე-6 გაკვეთილიდან ჩვენ გავიგეთ, რომ ვიზუალური დიზაინი პასუხისმგებელია ვიზუალურად გადმოსცეს ინფორმაცია იმის შესახებ, თუ რის გაკეთებას ცდილობს დიზაინი, ესთეტიურად სასიამოვნო და გამოყენებად ფორმატში, ფერის, ფორმის, თანმიმდევრობისა და სქემის საფუძველზე. ეს კომპეტენცია ასევე წარმოადგენს კომპანიის ბრენდს და იდენტურობას მომხმარებელთა გამოცდილებაში.
ვიზუალური დიზაინერები პასუხისმგებელნი არიან იმ ინტერფეისისა და სტილის პროექტირებაზე, რომელიც ემოციურ კავშირს ამყარებს მომხმარებელთან დიზაინის პრინციპებისა და ბრენდის ძირითადი მითითებების შესაბამისად. მათ შედეგებს ჩვეულებრივ წარმოადგენენ მაღალი ხარისხის ვიზუალური გამოსახულებები (სრული მაკეტები, ე.წ. ორიგინალი მაკეტები) და დიზაინის ტექნიკური მახასიათებლები, რომლებიც სტილის გაფორმების სახელმძღვანელოებშია მოყვანილი.

მომხმარებელთა გამოცდილების პროექტირება
მომხმარებელთა გამოცდილების პროექტირება მოიცავს HTML, CSS, და JavaScript შექმნას, რომლებიც ინტერფეისს წარმოადგენენ. აღნიშნული ინტერფეისები დინამიკურ, რეალურ და არა სტატიკურ დიზაინს ან ინტერქატიულ მაკეტს წარმოადგენენ, რომლებიც დიზაინის უფრო ადრეულ ფაზებში იქმნება.
მომხმარებელთა გამოცდილების დამპროექტებლები აერთიანებენ დიზაინის ესთეტიურობას, გამოყენებადობას და ტექნიკურ ნოუ-ჰაუს, და წარმოადგენენ ხიდს დიზაინსა და განვითარებას შორის. ისინი პასუხისმგებელნი არიან ინტერფეისის ფუნქციური განხორციელების უზრუნველყოფაზე და იმის გარანტირებაზე, რომ გადაწყვეტილების ურთიერქმედებები, ნაკადური და სრული გამოცდილება საბოლოო მომხმარებელზე ორიენტირებით მუშაობს.

მიუწვდომელი „მარტორქა“
კარგი დიზაინი აღნიშნული დისციპლინებიდან სხვადასხვა უნარის ნარევს მოიცავს, მაგრამ რა მოხდება თუ არსებობს ერთი პიროვნება, რომელსაც ყველაფერი აღნიშნულის გაკეთება შეუძლია? სწორედ ეს არის „მარტორქის“ ძირითადი წინაპირობა.
დიზაინის „მარტორქები“ ყველა დისციპლინის ცენტრში დგანან, რადგან, როგორც მოსალოდნელია, მათ ყველა „ქუდი“ უნდა ატარონ და ყველაფერში კარგები იყვნენ. მიუხედავად იმისა, რომ თეორიულად ეს შესანიშნავად ჟღერს, ძალიან რთულია იმ ერთი პიროვნების პოვნა, რომელიც ყველა აღნიშნულ უნარს მოიცავს. უფრო მარტივია ერთი დისციპლინის ან ფართო პროფილის სპეციალისტების პოვნა, რომლებსაც ბევრი, მაგრამ არა ყველა დისციპლინის შესრულება შეუძლიათ.
მე არ ვასახელებ გამოყენებადობას განცალკევებულად, ვინაიდან ის ყოველი დისციპლინის განუყოფელი ნაწილი უნდა იყოს.
ჩვენი საბოლოო ელ. წერილი დიზაინისა და მომხმარებელთა გამოცდილების ძირითად პრინციპებს აჯამებს.
გთავაზობთ თქვენი დიზაინერული ხედვისთვის ვარჯიშს (ან საერთო დასკვნების გამოტანის საშუალებას)!

About the Author

}
უფასო კონსულტაცია