Aug14
0

მომხმარებელთა გამოცდილება და მომხმარებელზე ორიენტირებული დიზაინი

დიზაინ ფიქრი Share this post

კეთილი იყოს თქვენი დაბრუნება!
გუშინ ჩვენ განვსაზღვრეთ დიზანი როგორც პროდუქტის ან მომსახურების შექმნის ან გაუმჯობესების პროცესი, რომელიც ბიზნესისა და მომხმარებლების პრობლემას აგვარებს ან მოთხოვნებს აკმაყოფილებს. ჩვენ ასევე განვიხილეთ ის მიდგომა, რომელმაც ახლახან პოპულარობა მოიპოვა ბიზნესის სამყაროში: დიზაინერული აზროვნება.
დღეს ჩვენ უფრო დეტალურად განვიხილავთ თუ როგორ არის მომხმარებელთა გამოცდილება დაგეგმილი. მაგრამ მოიცადეთ – რას ვგულისხმობთ მომხმარებელთა გამოცდილებაში?

მომხმარებელთა გამოცდილება

მომხმარებელთა გამოცდილება (User eXperience – UX) მოიცავს ყველაფერს რასაც გრძნობს, ფიქრობს და აღიქვამს მომხმარებელი პროდუქტთან, სერვისთან ან ბრედნთან ურთიერქმედებამდე, ურთიერთქმედების დროს და ურთიერთქმედების შემდეგ.
მოდით აღნიშნული პიცის შეკვეთის მაგალითზე განვიხილოთ. დღეს თქვენ ადვილად შეგიძლიათ შეუკვეთოთ პიცა ხმის, მესენჯერის, შეტყობინების, ტვიტის, სმარტ საათების ან სმარტ ტელევიზორის მეშვეობით. მაგრამ ეს პოზიტიური ინტერაქტიული გამოცდილება შეიძლება ადვილად მიეცეს დავიწყებას და საერთო გამოცდილება გააფუჭოს იმან, თუ შეკვეთა არასწორადაა გაფორმებული, პიცა ცივი და სველი მოგიტანეს ან თუნდაც მომტანს ცუდი დამოკიდებულება ჰქონდა!

კვლევები გვიჩვენებს, რომ ის კომპანიები, რომლებიც კარგ მომხმარებელთა გამოცდილებას ქმნიან მომხმარებელთა კმაყოფილებისა და ერთულების ზრდას, შეძენის უფრო დაბალ ფასებსა და მხარდაჭერას ხედავენ, და ბაზარზე უკეთ ფუნქციონირებენ. ბაზრის უკეთესი ფუნქციონირების მაჩვენებელია დიზაინის ღირებულების ინდექსი (DVI), რომელიც იმ კომპანიათა კაპიტალის პორტფელის ღირებულებას ადევნებს თვალყურს, რომლებიც დიზაინს თავისი ბიზნეს სტრატეგიის განუყოფელ ნაწილად განიხილავენ, „Standard & Poor’s (S&P) 500“-თან (საფონდო ინდექსი 500 ყველაზე აქტიურად გაყიდვადი აქციები) შედარებით, რომელიც ამერიკის საფონდო ბირჟის სათანადო წარმოდგენაა. ბოლო წლების განმავლობაში, 16 კომპანიამ, რომლებზეც დაკვირვება მიმდინარეობს, გვიჩვენა 200% ჭარბი შემოსავალი S&P მიხედვით.
დიზაინი შეიძლება ჩავთვალოთ როგორც კარგი თუ ის:
• სასარგებლოა – მომხმარებლებს შეუძლიათ საკუთარ მიზნებს მიაღწიონ.
• გამოყენებადია – მომხმარებლებს ადვილად შეუძლიათ თავისი ამოცანების შესრულება.
• სასურველია – მომხმარებლები თავისი გამოცდილებით კმაყოფილი არიან.
კარგი სიახლე იმაში მდგომარეობს, რომ ჩვენ შეგვიძლია ვაკონტროლოთ და დავგეგმოთ მომხმარებელთა კარგი გამოცდილება მომხმარებელზე ორიენტირებული დიზანის (UCD) მეთოდოლოგიის გამოყენებით.

მომხმარებელზე ორიენტირებული დიზაინი
როგორც სახელწოდება გვიჩვენებს, მომხმარებელზე ორიენტირებული დიზაინი მომხმარებელს აქტიურად რთავს დაპროექტების სრულ პროცესში. ჩვენ ვიწყებთ მომხმარებელთა კვლევით (R), შემდეგ ვქმნით ან ვაუმჯობესებთ გამოცდილებას მომხმარებელთა გამოცდილების დიზაინის მეშვეობით (D) და მომხმარებლებთან ვადასტურებთ (V) გამოცდილებას საცდელი ნიმუშების შექმნით:

შემდეგი ნაბიჯები ჩვენი მომხმარებელთათვის სწორი გამოცდილების პროექტირებაში დაგვეხმარება.
• მომხმარებელთა კვლევა (R) – ეს არის მომხმარებლებზე დაკვირვება მათ გარემოში იმისათვის, რომ გავიგოთ მათი სუსტი მხარეები და პრობლემების დაძლევის მეთოდები. მიღებული კვლევის შედეგები ჩვენ გადაგვყავს მომხმარებელთა წარმომადგენლობით პროფილებში, რომლებსაც პერსონები და მომხმარებელთა მოგზაურობის რუკა ეწოდება და რომლებიც გვეხმარება, რომ ისინი უფრო რეალური გავხადოთ პროექტის გუნდისა და კლიენტებისთვის.
• მომხმარებელთა გამოცდილების დიზაინი (D) ძირითად საფუძველს ქმნის, როგორიცაა ინფორმაციული პროექტირება, ნავიგაცია და ურთიერთქმედების დიზაინი, რაც საშუალებას იძლევა ადვილად გამოვიყენოთ ინტერფეისი. ასევე არსებობს შემოქმედებითი დიზაინი, რომელიც ბრენდინგსა და ვიზუალურ დიზაინს მოიცავს. ეს არის მომხმარებელთა ინტერფეისის შიდა ნაწილი, რომელსაც კლიენტები მაშინ ეძებენ, როდესაც მოითხოვენ რაღაც ისეთს, რაც „მაგარი“, „სექსუალური“ ან „Apple-ის მსგავსია“. ნუ დავივიწყებთ იმ შინაარს, რომელსაც შეუძლია ადამიანს მოქმედებისკენ უბიძგოს.
• დადასტურება (V) ეს არის, როდესაც ჩვენ ვამოწმებთ აკმაყოფილებს თუ არა ჩვენი დიზაინი მომხმარებელთა იმ მოთხოვნებს, რომლებზეც ფოკუსირებას ვახდენდით. ჩვენ ამას ვაკეთებთ მომხმარებლებისთვის საცდელი ნიმუშების ჩვენებით, რომლებიც შეიძლება შეიცავდეს როგორც მონახაზებს, ასევე რეალურ და ინტერაქტიულ პროტოტიპებს, რომელზეც ადამიანებს დაწკაპუნებით შეუძლიათ გადავიდნენ.
ორი სიტყვით ბევრი რამ გვაქვს სათქმელი, ამიტომ თითოეულ ზემოხსენებულ თემას დეტალურად განვიხილავთ მომდევნო დღეების განმავლობაში და ხვალინდელ ელ. წერილს მომხმარებელთა კვლევით დავიწყებთ.
დასაფიქრებლად გიტოვებთ რალფ სპეთის, კოპმანია „Jaguar Land Rover“-ის აღმასრულებელი დირექტორის სიტყვებს:
„თუ ფიქრობთ, რომ კარგი დიზაინი ძვირია, შეხედეთ ცუდი დიზაინის ღირებულებას“.
ზომების მიღება
ეს არის ნებაყოფლობითი სწრაფი აქტივობა თქვენი დიზაინერული ხედვის განვითარების მიზნით:
1. დაფიქრდით ერთ ვებ-გვერდზე კარგი UX დიზაინით. აირჩიეთ საიტი, რომელსაც ხშირად იყენებთ ან ბოლო რამდენიმე თვის განმავლობაში იყენებდით. გაიხსენეთ სტივ ჯობსის ციტატა გუშინდელი ელ. წერილიდან: „დიზაინი არ არის მხოლოდ ის თუ როგორ გამოიყურება ან შეიგრძნობა ის. დიზაინი არის თუ როგორ მუშაობს ის“. როგორ დაგეხმარებათ თქვენს მიერ არჩეული საიტი თქვენი მოთხოვნების დაკმაყოფილებაში და თქვენთვის კარგი ან შესანიშნავი მომხმარებელთა გამოცდილების შექმნაში?
2. დაფიქრდით ერთ ვებ-გვერდზე ცუდი UX დიზაინით (ზემოხსენებულის საპირისპირო). გაითვალისწინეთ თუ რა ქმნის მომხმარებელთა ცუდ გამოცდილებას.
გთავაზობთ თქვენი დიზაინერული ხედვისთვის ვარჯიშს!

About the Author

}
უფასო კონსულტაცია