Oct13
0

მოკლე მიმოხილვა – ბიტკოინის შეძენა ონლაინ სავალუტო ბირჟის მეშვეობით

ბიტკოინი Share this post

მოგესალმებით და კეთილი იყოს თქვენი მობრძანება ჩვენი 10 გაკვეთილიანი კურსის მეექვსე გაკვეთილზე! ჩვენ უკვე ნახევარზე მეტი გზა გავიარეთ. თუ ჯერ კიდევ ცოტათი ნერვიულობთ თქვენი პირველი ბიტკოინის შეძენის თაობაზე, მე მოკლე ვიზუალური მიმოხილვა შევადგინე ერთი ადგილობრივი სავალუტო ბირჟის შესახებ, რომელიც ნათლად გიჩვენებთ თუ როგორ მუშაობს ეს სისტემა.
მე გამოვიყენებ აშშ-ზე ორიენტირებულ ერთ-ერთ სავალუტო ბირჟას, რომელსაც Coinbase ეწოდება, სქრინშოტების (ეკრანის სურათების) მოყვანითა და პროცესის მიმოხილვით.

მოკლე, მაგრამ მნიშვნელოვანი შენიშვნა კონფიდენციალობის შესახებ
შეგახსენებთ, რომ იმის მიხედვით, თუ სად იმყოფებით, ყველა სავალუტო ბირჟა არ არის ონ-ლაინ ხელმისაწვდომი, ამიტომ ყურადღებით შეამოწმეთ BitcoinAverage.com თქვენს ყვეყანაში და რეგიონში ხელმისაწვდომი ბირჟების ჩამონათვალისთვის.
ასევე მნიშვნელოვანია აღვნიშნოთ, რომ თუ თქვენ ქვეყანაზე ორიენტირებულ სავალუტო ბირჟას დაუკავშირდით, თქვენ ვალდებული ხართ დაიცვათ კანონი და წესები, რაც შეიძლება მოითხოვდეს კონფიდენციუალური და პერსონალური მონაცემების მიწოდებას. გახსოვდეთ, რომ ბიტკოინს თქვენი პერსონალური ინფორმაციის სრულიად კონფიდენციულარად შენახვის უპირატესობა აქვს, რაც ნიშნავს, რომ თქვენ არ უნდა მიუთითოთ თქვენი სახელი ან ფიზიკური მდებარეობა/მისამართი, რომ ფული გააგზავნოთ და მიიღოთ. მაგრამ როგორც კი თქვენ ქვეყანაზე ორიენტირებულ სავალუტო ბირჟას დაუკავშირდებით, რომელსაც ტრადიციულ სისტემებსა და ბაზრებთან აქვს ურთიერთობა, ამოქმედდება აღნიშნულ ქვეყანაზე ორიენტირებული მოთხოვნები და სავარაუდოდ თქვენ მოგიწევთ თქვენი ვინაობის გამხელა. მოკლედ რომ ვთქვათ, თქვენ უნდა გაამხილოთ თქვენი ვინაობა (და ამით კი თქვენი კონფიდენციალობა) იმისათვის, რომ ბიტკოინი ონ-ლაინ შეიძინოთ.
როგორც კი აღნიშნულს განახორციელებთ, შესაძლებელია ყველა თქვენს მისამართთან (-თებთან) დაკავშირებული ბიტკოინის ტრანზაქციის იდენტიფიცირება და თვალყურის დევნა. სწორედ ეს არის ერთ-ერთი მიზეზი იმისა, რომ ბევრი ბიტკოინერი სპეციალურ ანგარიშებს ინარჩუნებს და აწარმოებს, რომლებიც არ არიან დაკავშირებული ამ ტიპის ბირჟებთან და საფულეებთან.

ვიზუალური მიმოხილვა
როგორც უკვე აღვნიშნე, მე გიჩვენებთ თუ როგორ მუშაობს ყველაფერი Coinbase-ის მაგალითზე, მაგრამ მისი მუშაობა ბევრი სხვა ონ-ლაინ ბირჟის მსგავსია, რომლებიც ასევე შეიძლება გამოყენებულ იქნეს.
პირველ რიგში, თქვენ ახალი ანგარიში უნდა გახსნათ ყველა საჭირო ინფორმაციით. დარწმუნდით, რომ საკმაოდ უსაფრთხო პაროლს იყენებთ – უმჯობესია თუ ისეთ სისტემებს გამოიყენებთ, როგორიცაა LastPass ან 1Password იმისათვის, რომ რეალურად რთული პაროლი შექმნათ, რომლის გამოცნობაც ან გატეხვაც ადვილი არ არის.

როდესაც დაადასტურებთ და დაამოწმებთ თქვენს ელ. ფოსტას, თქვენ შეძლებთ სისტემაში შესვლას და ვალუტის გაცვლის საინფორმაციო პანელის დანახვას მიმდინარე სავალუტო კურსებით.

ერთ-ერთი რაც უნდა გაითვალისწინოთ ბიტკოინის შესყიდვამდე ნებისმიერ ციფრულ სავალუტო ბირჟაზე, არის მათი უსაფრთხოების სისტემების შემოწმება. ეს ნიშნავს, რომ თუ მათ არა აქვთ როგორც მინიმუმ ორფაქტორიანი აუთენტიფიკაცია, მაშინ მე არ შევყოვნდებოდი აქ და სხვა მომსახურებას ვცდიდი (დარწმუნდით, რომ დახურეთ და წაშალეთ თქვენი ანგარიში).
ამიტომ, სისტემაში შესვლის შემდეგ უმჯობესია თუ გაეცნობით ბირჟაზე არსებულ უსაფრთხოების ზომებს და დაამატეთ რაც შეიძლება მეტი უსაფრთხოების საშუალება. ეს შეიძლება მოიცავდეს აუთენტიფიკაციას მოკლე ტექსტური შეტყობინების მეშვეობით ან თუდაც ცალკეული აპლიკაციის გამოყენებას, როგორიცაა მაგალითად Google Authenticator ან Authy.
ახალი ანგარიშის უსაფრთხოების უზურნველყოფის შემდეგ, თქვენ საშუალება გაქვთ დაამატოთ გადახდის მეთოდი, რომელიც შეიძლება მოიცავდეს თქვენს საბანკო ანგარიშს, PayPal ან საკრედიტო ბარათს:

უფრო წინ წავიდეთ და საჩვენებლად საკრედიტო ბარათი დავამატოთ. შემდეგ სისტემა დადასტურებას მოითხოვს ჩემი ანგარიშიდან ორი თანხის მოხსნით, რომელიც უნდა დავამოწმო:

Coinbase და ბევრი სხვა უმალვე მოქმედებენ, ამიტომ ვერიფიკაციის პროცესი სწრაფია, მაგრამ ეს ყველა მომსახურებას არ ეხება.
შემდეგ ეტაპზე, მე საკუთარ ვინაობას დავამოწმებ, რაც ხორციელდება სახელმწიფოს მიერ გაცემული ტიპიური პირადობის დამადასტურებელი ბარათის მეშვეობით, როგორიცაა მართვის მოწმობა და/ან პასპორტი. ყოველი სისტემა რაღაც განსხვავებულს მოითხოვს, ამიტომ დარწმუნდით, რომ ყველაფერი ხელთ გაქვთ.
ვერიფიკაციის პროცესი გარკვეულ დროს მოითხოვს, ამიტომ მოთმინება იქონიეთ. ამჟამად Coinbase-ის მსგავსი სისტემები ძალიან სწრაფად ვითარდებიან, ამიტომ მათ გაფართოებასთან დაკავშირებული გარკვეული პრობლემები აქვთ. როგორც ამბობენ, ვინც მოითმენსო, ის მოიგებსო.

და ბოლოს, მომდევნო ნაბიჯია თქვენი პირველი ბიტკოინის შეძენა. როგორც ქვემოთ მოცემულ სურათზე ხედავთ, მე შევისყიდე 100 აშშ დოლარის ექვივალენტი ბიტკოინი, რაც მაძლევს 0.0051 ბიტკოინს, რომლის მიმდინარე გაცვლითი კურსია 1 ბიტკოინი – 18,944.56 აშშ დოლარი.

ახლა ოფიციალურად ჩავერთე თამაშში! და თუ თქვენ თვალყურს ადევნებდით ერთ-ერთი აღნიშნული სისტემის გამოყენებით, ახლა თქვენ ბიტკოინის ამაყი მფლობელი ბრძანდებით.

მაგრამ, მოითმინეთ, რა ხდება თუ მე ბიტკოინის გაყიდვა მსურს?
ეს კარგი კითხვაა და საბედნიეროდ, აღნიშნული სავალუტო ბირჟები საშუალებას გაძლევთ გაყიდოთ თქვენი ბიტკოინები იმავე ინტერფეისში. უმრავლეს შემთხვევაში მათი გაყიდვა ისევე მარტივია, როგორც ყიდვა. რა თქმა უნდა, თუ თქვენ ბიტკოინს უფრო მაღალი კურსით გაყიდით, ვიდრე იყიდეთ, თქვენ საკმაოდ კარგ მცირე (ან დიდ) მოგებას მიიღებთ.
ხვალ ვისაუბრებთ თუ რატომ აქვს ამას მნიშვნელობა თავად ვალუტის ერთეულის ფარგლებს გარეთ და სად მიგვიყვანს ყველაფერი ეს ახლო და შორეულ მომავალში.

About the Author

}
უფასო კონსულტაცია