May27
0

კონტენტ მარკეტინგის გაგება

კონტენტ მარკეტინგი Share this post

მომდევნო ათი დღის განმავლობაში დაგეხმარებით კონტენტ მარკეტინის საფუძვლების გაგებაში და გიხელმძღვანელებთ თუ როგორ შეადგინოთ კონტენტ მარკეტინგის გეგმა ბიზნესის განვითარების სტიმულირების მიზნით. დღეს ჩვენ ვიწყებთ იმის მიმოხილვით, თუ ფაქტობრივად რას წარმოადგენს კონტენტ მარკეტინი, რით განსხვავდება ტრადიციული მარკეტინგისგან და რა ვითარებაში უნდა გამოიყენოთ ის. მაშ ასე, დავიწყოთ ზედმეტი სიტყვების გარეშე.

„მიწოლის“ სტრატეგია „მოქაჩვის სტრატეგიის“ წინააღმდეგ

ტრადიციული რეკლამისა და მარკეტინგის პრაქტიკა ყურადღებას ამახვილებს იმაზე, რასაც ჩვეულებრივ უწოდებენ მარკეტინგის „4P“-ს – პროდუქტი (Product), ფასი (Price), ადგილი (Place) და სტიმულირება (Promotion). სხვა სიტყვებით რომ ვთქვათ, თქვენ უნდა გქონდეთ შესაბამისი პროდუქტი და სწორი ფასი, და წარმატების მისაღწევად საჭირო ადგილზე უნდა გაუკეთოთ მას სტიმულირება. მთავარი საკითხი, რაზეც ის ნამდვილად ამახვილებს ყურადღებას არის ცალმხრივი კომუნიკაცია, რომელშიც ბიზნესი თავად უწყობს ხელს პროდუქციის მომხმარებელზე მიყიდვას. მაგრამ დრო შეიცვალა და მომხმარებლები, რომლებიც თავიანთი 615 მილიონი მოწყობილობისთვის სარეკლამო ბლოკატორების იყენებენ, უკვე აღარ არიან დაინტერესებულნი იმ პროდუქციის აუარებელი რეკლამით, რომელთა შეძენა მათ არ სურთ ან არ სჭირდებათ. კონტენტ მარკეტინგი ამ საკითხს საწინააღმდეგო მხრიდან მიუდგა და ნაცვლად გამოიყენებს „მოქაჩვის“ მიდგომას, რომლის საფუძველზეც ბიზნესი ან ბრენდი მიმზიდველი და სასარგებლო კონტენტის პროდუქციას აწარმოებს, რომლის აქტიურ ძიებაშია მომხმარებელი და რომლის მეშვეობითაც ის აღმოაჩენს პროდუქტს.

კონტენტ მარკეტინგი კონტექსტში
მიუხედავად იმისა, რომ უამრავმა ბიზნესმა შეძლო განვითარება კონტენტ მარკეტინგის მეშვეობით, მნიშვნელოვანია გავიგოთ, რომ ეს არ არის მარკეტინგული სტრატეგიის წმინდა გრაალი და ის არ შეესაბამება ყველა სიტუაციას. ერთ-ერთი ყველაზე მნიშვნელოვანი ფაქტორი, რომელსაც შეუძლია გავლენა იქონიოს წარმატებაზე, არის ფასი, რადგან თუ ფასი იზრდება, ასევე იზრდება შეძენის ღირებულება. განვიხილოთ მაგალითი. ბიზნესს, რომელიც ბალიზე ყიდის 5000$ იოგის კურსებს, შეუძლია დახარჯოს ფული იმ მომხმარებლებისთვის კურსების შეთავაზების რეკლამაზე, რომლებიც მათი აზრით შესაძლებელია დაინტერესდნენ აღნიშნულით. ან მათ შეუძლიათ შეიმუშავონ კონტენტ მარკეტინგის გეგმა, რომელიც მოიცავს ისეთ თემებს, როგორიცაა „რატომ არის ბალი მსოფლიოში ნომერ პირველი დანიშნულების ადგილი მედიტაციისთვის?“ ან „ათი მთავარი მიზეზი იმისა, თუ რატომ უყვართ ბალი იოგებს“. მეორე სცენარის შემთხვევაში, ისინი დაიწყებენ იმ პოტენციური მომხმარებლების მოზიდვას, რომლებიც მედიტაციის ადგილების აქტიურ ძიებაში არიან. თუმცა, თუ თქვენ გაქვთ გადასაზიდი მუყაოს ყუთების ბიზნესი, შესყიდვის გზა უფრო მარტივია. თქვენი პროდუქციის მომხმარებელმა იცის, რომ მათი სჭირდებათ გადასვლა, ისინი მოიძიებენ ახლო მდებარე გადასაზიდი ყუთებით მოვაჭრე ბიზნესს და შეიძენენ მათ ზედმეტი ფიქრის გარეშე. ამიტომ, პირველ რიგში, თქვენ უნდა გადაწყვიტოთ როდის შეიძლება იყოს კონტენტ მარკეტინგი თქვენი ბიზნესისთვის მომგებიანი: დიდხანს და ბევრს ფიქრობენ თუ არა თქვენი პროდუქციის მომხმარებლები ყიდვამდე? ჩვეულებრივ გისვამენ თუ არა რაიმე შეკითხვას თქვენი პროდუქციის ან მომსახურების შეძენაზე გადაწყვეტილების მიღებამდე? და დაიმახსოვრეთ, რომ კონტენტ მარკეტინგს ყოველთვის უნდა განიხილავდეთ როგორც თქვენი მარკეტინგული მიქსის დამატებით ინსტრუმენტს, და არა როგორც ერთადერთ გადაწყვეტილებას. ზემოაღნიშნულის უკეთესად გასაგებად ხვალ ჩვენ შევისწავლით სტრატეგიის ძირითად საფუძვლებს.

About the Author

}
უფასო კონსულტაცია