Jun07
0

კონტენტის ტიპები და კომუნიკაციის არხები

კონტენტ მარკეტინგი Share this post

შეუძლებელია გამოუხმაურება ჰპოვოთ თქვენს აუდიტორიაში, თუ თქვენს კონტენს ვერ იპოვიან, ამიტომ დღეს ჩვენ ვისაუბრებთ სხვადასხვა ტიპის კონტენტზე და განსხვავებულ არხებზე, რომელთა საშუალებითაც შეძლებთ კონტენტის მიღებას. დეტალური მიზნობრივი პერსონების შექმნის და მათი საჭიროებების დადგენის შემდეგ, განსაზღვრეთ სად ატარებენ დროს ეს პერსონები? ისინი ყოველთვის Instagram-ზე არიან? თუ LinkedI-ზე აქვთ ურთიერთობა? თუ ელექტრონული ფოსტის საინფორმაციო ბიულეტენებს კითხულობენ? თუ ანალიტიკურ ოფიციალურ დოკუმენტებს (თეთრ წიგნებს) იწერენ? მათი კონტენტის მოხმარების ჩვევების გაგებით თქვენ შეძლებთ განსაზღვროთ რა სახის კონტენტი გამოაქვეყნოთ და სად.

კონტენტის ტიპები
მიუხედავად იმისა, რომ კონტენტზე საუბრისას ადამიანთა უმრავლესობა გულისხმობს ბლოგ-პოსტებს, კონტენტს უამრავი ფორმა აქვს. გუშინდელ გაკვეთილზე შექმნილი აუდიტორიის პერსონების მიზეზი იყო ის, რომ ახლა განვსაზღვროთ კონტენტის ფორმები, რომლებსაც თქვენი მიზნობრივი აუდიტორია ანიჭებს უპირატესობას. ეს შესაძლოა იყოს ნებისმიერი რამ, ელექტრონული ფოსტა თუ ვიდეო, და ის სრულად არის დამოკიდებული თქვენს აუდიტორიაზე. ქვემოთ მოცემულია კომპანიების მიერ რეგულარულად გამოყენებადი კონტენტის ტიპების მაგალითები:

განიხილეთ თქვენი აუდიტორია და თუ როგორი ცხოვრება აქვთ მათ. მაგალითად, თუ მათ არ ჰყოფნით დრო, ისინი შესაძლოა უპირატესობას უფრო აუდიო ან ვიდეო ჩანაწერებს ანიჭებდნენ, ვიდრე ანალიტიკურ ოფიციალურ დოკუმენტებს. დაფიქრდით ვისი ნდობა აქვთ და სად ეძებენ მტკიცებულებებს – ისინი აფასებენ კომენტარებს, რეიტინგს, ფორუმს თუ რეკლამას ცნობილი ადამიანების მონაწილეობით? სცადეთ და განსაზღვრეთ მინიმუმ ხუთი სხვადასხვა ტიპის კონტენტი, რომელიც დააინტერესებს თქვენს აუდიტორიას.

კონტენტის სასიცოცხლო ციკლი

ყველა ციკლი თანაბრად არ შეიქმნება და ამიტომ ბიზნესთა უმრავლესობა იყენებს კონტენტის ტიპების ფართო არჩევანს. ყველა კონტენტს აქვს სიცოცხლის ვადა, ამიტომ დაფიქრდით მის ხანგრძლივობაზე, გსურთ რომ მან ერთი საათი იმოქმედოს, ერთი დღე თუ მუდამ. მაგალითად, ფოტომ, რომელსაც თქვენ დღესასწაულიდან აზიარებთ, შესაძლოა დააინტერესოს თქვენი აუდიტორია მხოლოდ ერთი დღის განმავლობაში, მაგრამ პროდუქტის მიმოხილვა შეიძლება აქტუალური იყოს წლების შემდეგაც. ანალოგიურად, მაშინ, როდესაც ინტერნეტში სწრაფად „ვირუსივით“ გავრცელება და თვალში მოხვედრა თავდაპირველად შეიძლება წარმატებად ჩაითვალოს, იმ კონტენტის შექმნა, რომელიც თქვენი აუდიტორიისთვის ღირებულია და დროთა განმავლობაში მუდმივად ზრდის ნახვათა რაოდენობას, შედეგად უფრო მეტს დაგიბრუნებთ. როდესაც გეგმავთ თქვენი კონტენტის კალენდარს, გაითვალისწინეთ როგორც თქვენი გრძელვადიანი, ასევე მოკლევადიანი მიზნები. დრო დახარჯეთ სასარგებლო, უნიკალური და შემეცნებითი კონტენტის შექმნაზე, რომელიც თქვენს აუდიტორიას მრავალმხრივ ინფორმაციას მიაწვდის და გრძელვადიან პერსპექტივაში დივიდენდებს გადაგიხდით.

კომუნიკაციის არხები

თქვენი კონტენტისთვის სწორი კომუნიკაციის არხების შერჩევისას ორი მნიშვნელოვანი კითხვა უნდა დაუსვათ საკუთარ თავს. პირველია: „სად არიან ჩემი მომხმარებლები?“ აღნიშნულში მე ვგულისხმობ თუ სად უყვართ მათ დროის გატარება ონლაინ და იმ კონტენტის ტიპის გამოყენება, რომელიც თქვენ გადაწყვიტეთ აწარმოოთ. მაგალითად, თუ ისინი ითვალისწინებენ კომენტარებს, დაფიქრდით საიდან მოიპოვებენ მათ. ეს შეიძლება იყოს თქვენი საკუთარი პროდუქტების გვერდებზე, ვიდეო YouTube-ზე, შედარებითი რეკლამების ვებ-გვერდებზე ან ონლაინ მაღაზიებში. ყურადღება გაამახვილეთ სამ და მეტ არხზე, რომლებიც ყველაზე მეტად შეესაბამებიან თქვენი მიზნობრივი აუდიტორიის პერსონებს. მეორე შეკითხვაა: „რომელი არხი შეესაბამება ამ კონტენტის ტიპს?“ დაფიქრდით კონტენტი ვიზუალურია, აუდიო თუ წერილობითი, რამდენად ხემისაწვდომი უნდა იყოს ის (მაგ. თქვენი საკუთარი ვებ-გვერდი სოციალური ქსელების არხების წინააღმდეგ) და რა არის მისი ხანგრძლივობა. მაგალითად, თუ თქვენ ქმნით ინფოგრაფიკას, მაშინ უნდა გამოიყენოთ Pinterest, ხოლო თუ ქმნით პროდუქტის დემო ვიდეოს, სავარაუდოდ უმჯობესია მისი განთავსება თქვენს ვებ-გვერდზე სადაც ის კონტექსტურად შესაფერისია. ახლა, როდესაც გავარკვიეთ რომელი ტიპის კონტენტი და არხი დაგეხმარებათ თქვენი მიზნობრივი აუდიტორიის ჩართულობაში, შევისწავლოთ თემის კვლევის დაგეგმარება.

About the Author

Leave a Reply

Your email address will not be published. Required fields are marked *

}
უფასო კონსულტაცია