Aug21
0

თქვენი მომხმარებლის გაცნობა

დიზაინ ფიქრი Share this post

კეთილი იყოს თქვენი მობრძანება ჩვენი კურსის – დიზაინისა და მომხმარებელთა გამოცდილების შესახებ მე-4 გაკვეთილზე!
გუშინ ჩვენ განვიხილეთ მომხმარებელთა კვლევის სხვადასხვა მეთოდი ჩვენი მომხმარებელების კარგად გაგების მიზნით.
დღევანდელ ელ. წერილში განვიხილავთ იმ გზებს, რომლებითაც მომხმარებელთა კვლევებიდან მიღებული მონაცემები დიზაინისა და შემუშავების პროცესში ჩართული ყველა პირისთვის გავხადოთ პრაქტიკული იმისათვის, რომ თქვენი მომხმარებლების შესახებ საერთო მოსაზრებები გავიზიაროთ და გაგებით მოვეკიდოთ მათ. ჩვენი მომხმარებლებისა და მათი საჭიროებების ნათლად ჩვენების სტანდარტულ საშუალებას წარმოადგენენ პერსონები, მოგზაურობის რუკები და მომხმარებელთა მოთხოვნები.

პერსონები
პერსონები წარმოადგენენ მომხმარებელთა კვლევაზე დაფუძნებულ თქვენი ძირითადი მომხმარებელთა ჯგუფების რეალურ წარმოდგენებს. პერსონა არის არა რეალური მომხმარებელი, არამედ წარმომადგენელი, ფიქტიური მომხმარებელი, რომელიც ზუსტად წარმოადგენს და გამოჰყოფს მომხმარებელთა ჯგუფის მნიშნველოვან მახასიათებლებს. ჩვენ დასახელებას, სურათს, ფონს, მახასიათებლებს და მოლოდინებს პერსონის ნათლად ჩვენებას ვავალებთ. ჩვენ ასევე მივმართავთ ძირითად მოთხოვნებს, მოლოდინებს, საერთო დავალებებსა და სუსტ ადგილებს როგორც პერსონის აღწერის ნაწილს. ჩვენ პერსონებს ვქმნით იმ მახასიათებლების ელემენტების გამოყენებით, რომლებიც დიზაინ-პროექტისთვის შესაფერისი და მნიშვნელოვანია.
პრაქტიკაში გამოსაყენებელი პერსონები პროექტის მთელს ჯგუფს მათი გამოყენების საშუალებას აძლევენ დიზაინისა და შემუშავების დროს. პერსონები უამრავი ფორმითა და ზომით ვლინდებიან, გთავაზოთ იმ პერსონის მაგალითს, რომელიც იატაკის დაგების დილერების მომხარებელთა ჯგუფს წარმოადგენს და რომელიც ადგილობრივ მყიდველებს ემსახურება (შეუძენიათ თქვენი ხალიჩა ბოლო დროს?):

პერსონათა ნაირსახეობას წარმოადგენენ პროტო-პერსონები (პირველადი), რომლებიც პერსონების მსგავსია, მაგრამ არ ეფუძნებიან მომხმარებელთა კვლევას. ისინი დაინტერესებულ მხარეთა ვარაუდების ან მეორადი კვლევის საფუძველზე იქმნებიან, ხშირად როდესაც საკმარისი დრო ან თანხა არ არის რეალური კვლევის ჩასატარებლად, და მათი გამოყენება შესაძლებელია დაინტერესებულ მხარეთა შეთანხმებულობის უზრუნველყოფისთვის.

მომხმარებელთა მოგზაურობის რუკა
მომხმარებელთა მოგზაურობის რუკა არის მომხმარებლის გამოცდილების ვიზუალური წარმოდგენა, ვინაიდან ისინი კომპანიასთან ურთიერთქმედებენ მომხმარებელთა ცხოვრებისეული ციკლის განმავლობაში. მომხმარებელთა მოგზაურობის რუკა ჩვეულებრივ კონკრეტული პერსონისთვისაა განკუთვნილი და შეუძლია ცხოვრებისეული ციკლის განსაზღვრულ ნაწილზე (შესყიდვის გამოცდილებაზე) ან მომხმარებელთა სრულ უწყვეტ გამოცდილებაზე მოახდინოს ფოკუსირება.

„მომხმარებელთა მოგზაურობა – ეს არის მომხმარებლებს და ორგანიზაციებს შორის შეხების წეტილების ნაკრები. შეხების წერტილი არხის, მოწყობილობისა და მომხმარებლის ამოცანის კომბინაციით განისაზღვრება“ – Nielsen Norman Group.
ქვემოთ მოყვანილია იმ მომხმარებლის მოგზაურობის რუკის ნიმუში, რომელიც მშობლისთვის მედიცინის მუშაკს-მომვლელს ეძებს.

მომხმარებელთა მოგზაურობის რუკა დიდ მნიშვნელობას ანიჭებს მომხმარებლის მოქმედებებს, მოსაზრებებს და გრძნობებს, რადგან ისინი ორგანიზაციასთან ურთიერთქმედებენ ხშირად მრავალი არხის (ელ. ფოსტა, ტელეფონი, ვებ-გვერდი, აპლიკაცია) და მოწყობილობის (ტელეფონი, კომპიუტერი) მეშვეობით.
ისევე როგორც პერსონები, მოგზაურობის რუკები დიზაინითა და დეტალებით განსხვავდებიან, რომლებიც კლიენტზე და პროექტზეა მორგებული. პერსონების მსგავსად მოგზაურობის რუკები ორგანიზაციაში ყველას ეხმარება მომხმარებელთა და მათი პრობლემების გაგებაში.

მომხარებელთა მოთხოვნები
მომხმარებელთა მოთხოვნები ბიზნესის მოთხოვნებისგან განსხვავდებიან. ჩვენ მომხმარებელთა მოთხოვნებს მათი დაკვირვების საფუძველზე ვქმნით. მაგალითად, სადაზღვევო აგენტებისთვის აპლიკაციის დიზაინის გადაკეთების დროს, ჩვენ დაკვირვება უამრავ სადაზღვევო აგენტზე ვაწარმოეთ, რომლებიც უამრავ ფანჯარას შორის ორი სადაზღვევო კოტირების შედარებას ცდილობდნენ. ეს მომხმარებელთა მოთხოვნაში გადაიზარდა: კოტირებების შედარების შესაძლებლობა გვერდიგვერდ ერთ ეკრანზე. ბიზნესის თავდაპირველი მოთხოვნა იყო კოტირებების შედარების შესაძლებლობა (რომელიც ტექნიკურად შესრულდა, თუმცა არა გამოყენებად ფორმატში), მაგრამ მომხმარებლებს შედარების მოსახდენად ძალისხმევის გამოყენება უხდებოდათ. ჩვენ მომხმარებელთა აღნიშნული მოთხოვნების საფუძვლის გაგება და მოთხოვნების ორივე ნაკრების დარეგულირება და პრიორიტეტების მინიჭება გვესაჭიროება.
პერსონები და მოგზაურობის რუკები კარგი შემახსენებელია დიზაინისა და შემუშავების პროცესში ჩართული ყველა პირისთვის იმის შესახებ, თუ ვისთვის ქმნიან დიზაინს. როდესაც დიზაინის გადაწყვეტილებასთან გვაქვს საქმე, ხშირად მინახავს თუ როგორ კითხულობენ დაინტერესებული პირები და გუნდის წევრები, „ეს სიდს (ან მათ პერსონებს) დაეხმარება თუ შეაფერხებს?“, მომხმარებელების დიზაინის პროცესის ცენტრში მოთავსებით. აღნიშნულს დიდი გავლენა აქვს!
„თუ თქვენ დიზაინს ყველასთვის ქმნით, თქვენ ვერავის აღაფრთოვანებთ. ეს არის საშუალო ხარისხის პროდუქტის რეცეპტი“. – ალან კუპერი.
ჩვენი მომდევნო ელ. წერილი მომხმარებელთა გამოცდილების დიზაინის ფაზაში გადაინაცვლებს, ვინაიდან ჩვენ მომხმარებელთა გამოცდილების მნიშვნელოვან შემადგენელ ელემენტებზე ვახდენთ ფოკუსირებას.
გთავაზობთ თქვენი დიზაინერული ხედვისთვის ვარჯიშს!

About the Author

}
უფასო კონსულტაცია