Sep13
0

დაჯამება და შემდგომი პერსპექტივები

დიზაინ ფიქრი Share this post

კეთილი იყოს თქვენი მობრძანება ჩვენი კურსის ბოლო გაკვეთილზე!

ჩვენს ბოლო ელ. წერილში განვიხილეთ მომხმარებელთა გამოცდილების დიზაინის ძირითადი დისციპლინები და სხვადასხვა „ქუდები“, რომლებიც დიზაინერმა შეიძლება მოირგოს უნარებისა და გამოცდილების მიხედვით.

მოცემული ბოლო ელ. წერილი  ჩვენს მიერ შესწავლილ ძირითად პრინციპებს აჯამებს.

დიზაინი არის პროცესი იმ პროდუქტის ან სერვისის შესაქმნელად ან გასაუმჯობესებლად, რომელიც ბიზნესისა და მომხმარებლების პრობლემებს აგვარებს  ან მათ მოთხოვნებს აკმაყოფილებს. ეს არის არა შემთხვევითი „შემოქმედებითი“ საქმიანობა, არამედ პროცესი. ის არის მეცნიერება და ხელოვნება, პროცესი კი მოთხოვნისამებრ ადაპტირებული შეიძლება იყოს. ის შეიცავს მეცნიერებასა და ხელოვნებას. პროცესი კი მოთხოვნისამებრ ადაპტირებული შეიძლება იყოს. აქ არსებობს პრობლემა, რომელიც უნდა მოგვარდეს, ან არსებობს მოთხოვნა, რომელიც უნდა დაკმაყოფილდეს. და ბოლოს, დიზაინს სარგებელი მოაქვს როგორც ბიზნესისთვის (ადამიანები, რომლებიც იხდიან დიზაინისთვის თანხის გამომუშავების ან დაზოგვის მიზნით), ისე მომხმარებლებისთვის (რომლებიც ფაქტიურად იყენებენ დიზაინს).

კარგი დიზაინი – კარგია ბიზნესისთვის, ხოლო დიზაინზე ორიენტირებული კომპანიები უკეთეს შედეგებს გვიჩვენებენ, ვიდრე სხვა კომპანიები. კარგ დიზაინად შეიძლება მივიჩნიოთ მომხმარებლებისთვის სასარგებლო, გამოყენებადი და სასურველი დიზაინი.

მომხმარებელთა გამოცდილება (UX) მოიცავს ყველაფერს, რასაც მომხმარებელი გრძნობს, ფიქრობს და აღიქვამს პროდუქტთან, სერვისთან თუ ბრენდთან ურთიერთქმედებამდე, ურთიერთქმედების დროს და მის შემდეგ. ჩვენ შეგვიძლია ვაკონტროლოთ და დავგეგმოთ მომხმრებელთა კარგი გამოცდილება  მომხმარებელზე ორიენტირებული დიზაინის პროცესის მეშვეობით.

მომხმარებელზე ორიენტირებული დიზაინი უზრუნველყოფს მომხმარებლის ჩართულობას დიზაინის შექმნის სრულ პროცესში. ჩვენ ვიწყებთ მომხმარებელთა კვლევით, შემდეგ ვქმნით ან ვაუმჯობესებთ გამოცდილებას UX დიზაინის მეშვეობით და მაკეტირების შექმნის მეშვეობით ვამყარებთ  გამოცდილებას მომხმარებლებთან. ეს ნაბიჯები გვეხმარება დავრწმუნდეთ, რომ ჩვენი მომხმარებლებისთვის სწორ გამოცდილების დიზაინს ვქმნით.

 

მომხმარებელთა კვლევა (R) – ეს არის მომხმარებლებზე დაკვირვება მათ გარემოში იმისათვის, რომ გავიგოთ მათი  სუსტი მხარეები და პრობლემების დაძლევის მეთოდები. მიღებული კვლევის შედეგები ჩვენ გადაგვყავს მომხმარებელთა წარმომადგენლობით პროფილებში, რომლებსაც პერსონები და მომხმარებელთა მოგზაურობის რუკა ეწოდება და რომლებიც გვეხმარება, რომ ისინი უფრო რეალური გავხადოთ პროექტის გუნდისა და კლიენტებისთვის.

მომხმარებელთა გამოცდილების დიზაინი (D) ძირითად საფუძველს ქმნის, როგორიცაა ინფორმაციული პროექტირება, ნავიგაცია და ურთიერთქმედების დიზაინი, რაც საშუალებას იძლევა ადვილად გამოვიყენოთ ინტერფეისი. ასევე არსებობს შემოქმედებითი დიზაინი, რომელიც  ბრენდინგსა და ვიზუალურ დიზაინს მოიცავს. ეს არის მომხმარებელთა ინტერფეისის შიდა ნაწილი, რომელსაც კლიენტები  მაშინ ეძებენ, როდესაც მოითხოვენ რაღაც ისეთს, რაც  „მაგარი“, „სექსუალური“ ან „Apple-ის მსგავსია“. ნუ დავივიწყებთ იმ შინაარსს (კონტენტს), რომელსაც შეუძლია ადამიანს მოქმედებისკენ უბიძგოს.

დადასტურება (V) – ეს არის, როდესაც ჩვენ ვამოწმებთ აკმაყოფილებს თუ არა ჩვენი დიზაინი მომხმარებელთა იმ მოთხოვნებს, რომლებზეც ფოკუსირებას ვახდენდით. ჩვენ ამას ვაკეთებთ მომხმარებლებისთვის საცდელი ნიმუშების ჩვენებით, რომლებიც შეიძლება შეიცავდეს როგორც მონახაზებს, ასევე რეალურ და ინტერაქტიულ პროტოტიპებს, რომელზეც ადამიანებს დაწკაპუნებით შეუძლიათ გადავიდნენ.

მომხმარებელთა გამოცდილების დიზაინის ძირითადი დისციპლინებია: მომხმარებელთა კვლევა,          კონტენტის სტრატეგია, ინფორმაციის პროექტირება ურთიერთქმედების დიზაინი,             ვიზუალური დიზაინი და მომხმარებელთა გამოცდილების პროექტირება.

კარგი დიზაინი თითოეული დისციპლინიდან უნარების ნარევს იღებს. გამოყენებადობა თითოეული დისციპლინის აქტიურ კომპონენტად მიიჩნევა.

გილოცავთ!  ბოლო დღეების განმავლობაში თქვენ გაეცანით დიზაინისა და მომხმარებელთა გამოცდილების საფუძვლებს. შესაძლოა შეამჩნიოთ, რომ ცნობიერად თუ ქვეცნობიერად თქვენ უფრო მეტად ინფორმირებული ხართ არა მხოლოდ ციფრული ინტერფეისების, არამედ თქვენს ირგვლივ არსებული დიზაინის შესახებ. და თუ სამსახურში დიზაინერებთან ურთიერთქმედებთ, გაეცნობით დიზაინის შექმნის პროცესს და იმ ადამიანებს, რომლებიც მომხმარებელთა დიდი გამოცდილების პროექტირებაში არიან ჩართული.

თუ თქვენ გსურთ მეტი გაიგოთ დიზაინისა და მომხმარებელთა გამოცდილების შესახებ, გაეცანით ქვემოთ მოცემული ვებ-გვერდების ჩამონათვალს.

გთავაზობთ გააგრძელოთ თქვენი დიზაინერული ხედვის ვარჯიში!

 

About the Author

}
უფასო კონსულტაცია