Oct18
0

ბიტკოინი რეალურად საზოგადოებაზეა ორიენტირებული

ბიტკოინი Share this post

მეგობრებო, ჩვენ ბიტკოინის კურსის ბოლოს გაკვეთილზე ვართ! ვერ ვიჯერებ, რომ ეს შევძელით და მოხარული ვარ, რომ თქვენ თანაბიტკოინერთა და ბლოკჩეინის ენთუზიასტთა სიაში ჩაგრთეთ.

დღეს მსურს ყველაზე მნიშვნელოვანი გაკვეთილი დაგიტოვოთ, გაკვეთილი, რომელიც ამ საინტერესო სამყაროში თქვენს უწყვეტ განვითარებას და განათლებას უზრუნველყოფს: ბიტკოინი არაფერი იქნებოდა, რომ არა ის საზოგადოება, რომელიც  ამოქმედებს და მხარს უჭერს მას. მისი შექმნაც შეუძლებელი იქნებოდა გამომგონებლებისა და შემქმნელების ერთობლივი ძალისხმევის გარეშე, ასევე ვერ იარსებებდა ღია კოდის მქონე ფილოსოფიის გარეშე, რომელიც მას აერთიანებს, მაინერების გარეშე, რომლებიც ტრანზაქციებს ადასტურებენ და კომპენსაციას იღებენ მათი ბიტკოინის ქსელისთვის გაწეული მომსახურებისთვის.

საქმე იმაშია, რომ მოტივირებულმა, თავისი საქმით გატაცებულმა და ენერგიულმა ადამიანებმა  ის უნიკალური თვისებები დაინახეს, რომლებიც ბიტკოინს თავისი ბუნებით აქვს, და ასევე დაინახეს პრობლემების გადაჭრის ის შესაძლებლობები, რომლებიც ერთ დროს შეუძლებლად იყო მიჩნეული (მაგალითად, როგორიცაა კომპიუტერული მეცნიერების „ბიზანტიური გენერლების ამოცანა“).

აქედან გამომდინარე, ბიტკოინის სამყაროში თქვენი გაკვეთილები და განვითარება მხოლოდ ახლა დაიწყო.

 

გააგრძელეთ სწავლა საზოგადოებასთან ერთად

საბედნიეროდ, ქსელში  უამრავი შესანიშნავი საზოგადოება არსებობს, რომლებიც სიამოვნებით დაგეხმარებიან ბიტკოინისა და ბლოკჩეინის შესახებ ცოდნისა და ინფორმაციის მიღებაში.  როგორც იაპონურ ენაზე იტყვიან, kaizen  („მუდმივი გაუმჯობესება“).

ზოგიერთს, როგორიცაა მაგალითად BitcoinTalk Forums, უკვე მილიონობით დარეგისტრირებული წევრი ჰყავს, რომლებიც აქტიურად ერთად უთმობენ დროს ამ საკითხის შესწავლას. ქვემოთ გთავაზოვთ რამდენიმე დამატებით წყაროს და საზოგადოებას, რომლებსაც ძალიან აქტიური (და სასარგებლო) წევრები ჰყავთ:

  1. The BitcoinPub დამწყებთათვის ინფორმატიული ვიდეოები აქვს და საშუალებას გაძლევთ გააზიაროთ და განიხილოთ სიახლეები ან უბრალოდ თქვენი აზრები ბიტკოინის შესახებ.
  2. The BitcoinReddit  (და BTC subreddit) ის ადგილია, სადაც საინტერესო ინფორმაციის მოპოვებას შეძლებთ ბიტკოინის შესახებ, განიხილავთ უახლეს ამბებს და სხვა ბიტკოინთან დაკავშირებულ საკითხებს.
  3. Bitcoin Stack Exchange ის ადგილია, სადაც თქვენ იმ ნებისმიერი კითხვის დასმა შეგიძლიათ, რომელიც ბიტკოინის შესახებ ყოველთვის გაინტერესებდათ, დაწყებული ძირითადი ინფორმაციიდან და მაღალტექნიკური საკითხებით დამთავრებული (და თქვენ პასუხს მიიღებთ!).
  4. ეს Facebook Group ის ადგილია, სადაც ბიტკოინის სხვა ენთუზიასტების პოვნას შეძლებთ.
  5. BitcoinMeetup Groups  დაგეხმარებათ აღნიშნულ ენთუზიასტებს ქსელის გარეთ შეხვდეთ.

გახსოვდეთ, რომ ყოველთვის თავაზიანი და გულისხმიერი უნდა იყოთ, რადგან ბიტკოინის შესახებ ბევრი იცით და სავარაუდოდ სხვებს თქვენგან ცოდნის მიღებაში დაეხმარებით.

მეგობრებო, ბოლო ათი შესანიშნავი დღე თქვენ ჩემთან ერთად გაატარეთ. მადლობა, რომ ჩემთვის დრო გამონახეთ, ხოლო თქვენგან ბიტკოინისა და ბლოკჩეინის შესახებ ახალ ამბებს ველოდები. თუ ეს მასალა დაგეხმარათ, მაშინ თხოვნა მექნება გადაუგზავნოთ თქვენს მეგობრებს, ოჯახის წევრებს და ნებისმიერ სხვას, ვინც თქვენი აზრით გაითვალისწინებს მას.

 

 

About the Author

}
უფასო კონსულტაცია