Oct16
0

ალტკოინის წარმოშობა

ბიტკოინი Share this post

ბიტკოინზე საუბარი შეუძლებელია იმ სხვა ტექნოლოგიებზე საუბრის გარეშე, რომლებიც მან წარმოშვა. რა თქმა უნდა ეს არ არის გასაკვირი, რადგან თავად ბიტკოინი ღია კოდის მქონე პროექტს წარმოადგენს, და ნებისმიერ ადამიანს, ნებისმიერ დროს აქვს უფლება შექმნას საკუთარი „ალტერნატიური მონეტა“ ბიტკოინის საწყის პროექტს ფარგლებს გარეთ.

ფაქტიურად, თქვენ შეგიძლიათ სიტყვასიტყვით (და ლეგალურად) დააკოპიროთ ბიტკოინის საბაზისო ტექნოლოგია და არ შეცვალოთ კოდის არც ერთი ხაზი, და ნებისმიერი თქვენს მიერ შერჩეული სახელით გამოუშვათ.  და ეშმაკმა დალახვროს, ადამიანები ინვესტიციასაც კი ჩადებენ მასში და გამოიყენებენ კიდეც. ბევრმა უკვე სცადა და ბევრი კიდევ სცდის.

აღნიშნული ალტერნატიური მონეტების (ან კრიპტოვალუტების) აღმავლობა არა მხოლოდ ღია კოდის მქონე ფილოსოფიის, არამედ დეცენტრალიზებული ტექნოლოგიების მკვეთრი ზრდის დადებითი შედეგია. ჩვენ ბიტკოინის აღნიშნულ ძმებს, დებს, შვილებს, შორეულ და ახლო ნათესავებს ხელგაშლილი ვხდებით.  ეს  ექსპანსიური ინოვაციების პირდაპირი შედეგია, რომლებიც არ არის შეზღუდული ხელისუფლებითა და ბიუროკრატიით.

ამრიგად, რაშია სხვაობა?

ეს ალტკოინზეა დამოკიდებული. მოგეხსენებათ, უამრავი აღნიშნული ალტკოინი ორიგინალი ბიტკოინის  ანალოგიურ თვისებებს იზიარებს, როგორიცაა განაწილებული და დეცენტრალიზებული რეგისტრი (ანუ აღრიცხვა), ერთრანგიანი ტრანზაქციები, მაინინგის სისტემა  და წამახალისებელი და სწრაფი მიღების პროცესები.

მაგრამ მსგავსება შეიძლება აქ დასრულდეს, რადგან უამრავ ალტკოინში ისეთი მახასიათებლებია დამატებული, რომლებიც შემქმნელების აზრით სრულიად განაწილებული და ვირტუალური ვალუტის საწყის ხედვას აუმჯობესებენ. ზოგიერთი ეს ინოვაცია შეიცავს ტრანზაქციების სხვადასხვა სიჩქარეს, კონფიდენციალობის კონტროლის საშუალებებს, მაინინგისთვის საჭირო მოთხოვნებს სხვადასხვა კონსენსუსის მისაღწევად და მათემატიკური ამოცანების გადასაჭრელად (მაგალითად, სამუშაოს შესრულების მტკიცებულება (proof-of-work) წილის მტკიცებულების (proof-of-stake) წინააღმდეგ, დომენური სახელების სერვერი (DNS), შიფრირების რეზოლუცია (-ები) და სხვ.

ზოგიერთი ალტკოინი კულტურულ თავისებურებებს ითვალისწინებს და ძალიან პოპულარულია, მათი რიცხვი იზრდება ბაზრის უზარმაზარი წილისა და ბაზრის კაპიტალიზაციის მოპოვების მცდელობასთან ერთად. მათი უმრავლესობის შეძენა იმ სავალუტო ბირჟებზეა შესაძლებელი, სადაც ბიტკოინი შეგიძლიათ შეიძინოთ.

მიუხედავად იმისა, რომ უამრავი მათგანი ბიტკოინის დომინირებას ებრძვის, რთულია იმის წარმოდგენა, რომ რომელიმე ალტკოინი უფრო მსხვილი გახდეს. თუმცა ეს არ არის შეუძლებელი და სრულიად შესაძლებელია, რომ რომელიმე უფრო ახალმა ბლოკჩეინზე-დაფუძნებულმა მონეტამ დაამტკიცოს, რომ მას უფრო მეტი სარგებლობა აქვს (და აქედან გამომდინარე უფრო გასაგები და გაცნობიერებული ღირებულება აქვს), ვიდრე ბიტკოინს.

 

უფრო „პოპულარული“ ალტკოინები

სხვადასხვა მნიშვნელობით, პოპულარობის იდეა ბიტკოინისა და დეცენტრალიზაციის ძირითად პრინციპებს ეწინააღმდეგება, ვინაიდან ის გულისხმობს, რომ გასაგები დასასრულის მქონე რბოლაში უნდა იყოს „გამარჯვებული“. მაგრამ რეალურად, ყველაზე „პოპულარული“ მონეტა, ბიტკოინის ჩათვლით, არის ის მონეტა, რომელსაც პირადად თქვენ ყველაზე პრაგმატულად და სასარგებლოდ მიიჩნევთ თქვენი მოთხოვნების დაკმაყოფილების მიზნით ციფრულ ქსელში სხვასთან ფინანსური ურთიერთობების განხორციელების დროს.

მაგრამ უფრო შორს რომ წავიდეთ, პოპულარობის განსაზღვის ყველაზე გავრცელებული მეთოდია საბაზრო კაპიტალიზაციის დიაგრამების განხილვა, რომელიც მონეტის ბრუნვაში გაშვებული აქციების ან გამოშვებული მონეტების საბაზრო ღირებულებას წარმოადგენს (რომელსაც ბევრ შემთხვევაში ასევე „ტოკენებს“ უწოდებენ).  ერთ-ერთი ყველაზე პოპულარული ვებ-გვერდია CoinPuffs.com, რომელიც 2018 წლის იანვრის მდგომარეობით გვიჩვენებს შემდეგ ათ ყველაზე პოპულარულ ვალუტას (ბიტკოინის ჩათვლით):

  1. ბიტკოინი (Bitcoin)
  2. რიპლი (Ripple)
  3. ეთერიუმი (Ethereum)
  4. ბიტკოინ ქეში (Bitcoin Cash)
  5. კარდანო (Cardano)
  6. ნემი (NEM)
  7. სტელარი (Stellar)
  8. ლაითკოინი (Litecoin)
  9. იოტა (IOTA)
  10. დეში (Dash)

რამდენადაც იცით, ეს სია ხშირად იცვლება და თუ თქვენ დაინტერესებული ხართ საქმის კურსში იყოთ ფასებთან დაკავშირებით, განსაკუთრებით თუ ბირჟაზე თამაშობთ და ინვესტიციებს დებთ, CoinPuffs-ის მსგავსი ვებ-გვერდები სასარგებლო  რესურსებია.

ზოგადად, ჩემი დაბეჯითებითი რეკომენდაციაა ძალიან ნელა და ფრთხილად ჩაერთოთ, განსაკუთრებით საწყის ეტაპზე, რაც შეიძლება მეტი იკითხოთ პროექტების შესახებ და რაც შეიძლება მეტი წინდახედულობა გამოიჩინოთ.

აღნიშნული პროექტების უმრავლესობა თავისი ბუნებითა და თვისებებით რისკის შემცველია, ამიტომ მაქსიმალური ცრურწმენითა და სიფრთხილით გააგრძელეთ მოქმედება. შეისწავლეთ პროექტის უკან მდგარი გუნდი, თუ როგორ აპირებს ეს გუნდი ფულადი სახსრების გამოყენებას, სხვა ვინ უჭერს მხარს აღინიშნულ პროექტს, მათი დამფუძნებელი თეთრი წიგნი (სატოში ნაკამოტოს ბიტკოინის თეთრი წიგნის მსგავსი) და ა.შ.

About the Author

}
უფასო კონსულტაცია